choti si baat....

This poem was conceptualised on the way from Mahabalipuram to Pondicherry on the ECR, when the sky was clear enough for each star to be clearly visible. I put it to words today.

******************************************************
timtimate sitare se puchcha maine
bata tere dil mein kya rakha hai

bola taara,
mere dil mein bhari hai aag,
aisi jo pas aane wale ko rakh kar de.
mere dil mein bhari hai urja,
urja jo har cheez ko roshan kar de.

aage bola taara,
mere dil mein bhari hai roshni,
roshni aisi ki raat ko din kar de.
mere dil mein bhara hai dhuaan,
dhuaan aisa ki din ko raat kar de.

tu bata ae nanhi si jaan.
tere dil mein kya rakha hai?

main muskurakar bol uthi.
mere dil mein hai akash, saagar, dharti,
mere dil mein hai hansi, muskurahat khushi,
mere dil mein hai bachpan aur yovan,
yeh dil hai mere jeevan ka darpan

sitara bola itne se dil mein..
kaise samayi itni cheezen?

maine javab diya
is dil ki gehrai ko
na koi naap paya hai na payega
ek din yeh nahna sa dil
tere dil ko bhi jeet jayega!!
******************************************************

P.S.: I will try to put this in the Devnagri script sometime soon till then make do with this...